„მირზა სუბელიანს გააჩნია ვანო მერაბიშვილის ციხიდან გაყვანის კადრები და ეს ინფორმაცია არის დადასტურებული“, -განაცხადა გამოკითხვაზე შესვლამდე „სამართალდამცავთა რეორმირების ცენტრის“ ხელმძღვანელმა, ზვიად კუპრავამ.
მისი ინფორმაციით, ვანო მერაბიშვილის საკნიდან გაყვანის კადერებს ის ყოფილი პროკურორი ფლობს, რომელის სახელი და გვარიც ხორავას ქუჩაზე არასრულლოვანებს შორის მომხდარი მკვლელობის საქმეში ფიგურირებს.
კუპრავას ამ წუთებში პროკურატურაში გამოკითხვაზე იმყოფება.
„ ამ საკითხზე მქონდა მათთან კომუნიკაცია და ეს ერთჯერადი არ ყოფილა. ჩვენი ყოველი საუბარი ეხებოდა ამ კადრების გადმოცემა ვთავაზობდი, რომ თუ მას არ სურდა მისი სახელით გასაჯაროვებულიყო ეს კადრები, მე ვიქნებოდი გამტარი და საიდუმლოდ დარჩებოდა რომ კადრები მან გადმომცა. საბოლოო ჯამში, ჩვენი კომუნიკაცია შევიდა ჩიხში. სწორედ ამ კადრებით აშანტაჟებს მირზა სუბელიანი პროკურატურას ხორავას ქუჩის მკვლელობის საქმეზე. ამ საქმეში არის ორი ბრალდებული, რასაც არ ეთანხმება არც დაცვის მხარე და არც დაზარალებული მხარე. ეს ადამიანები თვლიან, რომ ბრალდებული უფრო მეტი უნდა იყოს. მირზა ამ კადრების გამოყენებით აშანტაჟებს პროკურატურას და ეუბნება, რომ თუ ისინი ბრალდებულის სახით პასუხისგებაში მისცემენ სხვა პირებს, მაშინ ის გაასაჯაროვებს ამ კადრებს“, - აცხადებს კუპრავა.
შეგახსენებთ, რომ ხორავას ქუჩაზე, 2017 წლის პირველ დეკემბერს ორი მოზარდი დაჭრეს. ერთი მათგანი, ლევან დადუნაშვილი საავადმყოფოში მიყვანამდე გარდაიცვალა, მეორე - დავით სარალიძე კი, მოგვიანებით, საავადმყოფოში. მომხდარი მკვლელობის ფაქტზე სამართალდამცავებმა 2 დეკემბერს, ერთი არასრულწლოვანი დააკავეს და ბრალი განზრახ მკვლელობის მუხლით წაუყენეს. მეორე არასრულწლოვანს კი ბრალი დაუსწრებლად წარუდგინეს. სასამართლომ ორივე ბრალდებულს აღკვეთის ღონისძიების სახით, პატიმრობა შეუფარდა.
პროკურატურამ მკვლელობის საქმეზე, დანაშაულის შეუტყობინებლობის ბრალდებით პასუხისგებაში 5 პირი მისცა, რომელთა შორის, ორი მოსწავლის მშობელი და შსს-ს ყოფილი თანამშრომელია. პასუხისგებაში მიცემულთაგანმხოლოდ სამი დააკავეს, რადგან ორ პირზე არასრულწლოვანთა მართლმსაჯულების კოდექსი ვრცელდება.