ერევანში პოლიციამ საპროტესტო აქციის 17 მონაწილე დააკავა. პროტესტანტები სამთავრობო შენობის დაბლოკვას ცდილობდნენ და თანამშრომლებს შიგნით არ უშვებდნენ.
აქციის ერთ-ერთი ორგანიზატორი ოპოზიციონერი დეპუტატი ნიკოლ პაშინიანი, რომელიც თავის მხარდამჭერებთან ერთად დღეს დილით ქუჩების ბლოკირებას ცდილობდა, პოლიციამ ტერიტორიიდან გაიყვანა.
პაშინიანმა მანამდე განაცხადა, რომ სახელმწიფო უწყებების მუშაობის პარალიზებას მოახდენდნენ. მისი თქმით, ოპოზიციის ტაქტიკა მობილური იქნება და პოლიციასთან შეტაკება გამორიცხა.
ცნობისთვის, აქცია სომხეთის პრემიერ-მინისტრად სერჟ სარგსიანის არჩევის წინააღმდეგ 13 აპრილს დაიწყო. ოპოზიცია მას ქვეყნის არაეფექტურ მმართველბაში, ასევე ქვეყნის გაუარესებულ ეკონომიკურ მდგომარეობაში ადანაშაულებს.
ორშაბათს მომიტინგეები ცდილობდნენ პარლამენტის შენობაში შესვლას, თუმცა პოლიციამ მათი ქმედება შეაჩერა. ურთიერთშჯახების შედეგად ათობით ადამიანი დაშავდა. მომდევნო დღეს მომიტინგეებმა განაცხადეს სომხეთში „ხავერდოვანი რევოლუციის“ დაწყების შესახებ სომხეთში.
პროტესტის მიუხედავად, სომხეთის პარლამენტმა სერჟ სარგსიანი მაინც აირჩია პრემიერ-მინისტრად. ამავდროულად, ძალაში შევიდა კონსტიტუციაში ცვლილებები, რომლის მიხედვითაც სომხეთის მთავრობა საპარლამენტო მმართველობით ფორმატზე გადადის.