ვადამდელი საპრეზიდენტო და საპარლამენტო არჩევნები თურქეთში 24 ივნისს გაიმართება. ამის შესახებ პრეზიდენტმა რეჯეფ თაიფ ერდოღანმა ანკარაში გამართულ პრესკონფერენციაზე განაცხადა.
"ხელისუფლება მიესალმება დევლეთ ბახჩელის წინადადებას ვადამდელი არჩევნების ჩატარების შესახებ. ის 2018 წლის 24 ივნისს ჩატარდება“ - განაცხადა ერდოღანმა.
მისივე თქმით, თურქეთის უზენაესი საარჩევნო კომისია მალე დაიწყებს მზადებას ქვეყანაში არჩევნებს ჩატარებისთვის.
ცნობისთვის, 17 აპრილს დევლეთ ბახჩელი გამოვიდა წინადადებით ჩატარებულიყო ვადამდელი არჩევნები ქვეყანაში, 2018 წლის 26 აგვისტოს. დღეს ერდოღანმა გამართა მოლაპარაკებები მასთან, რათა განეხილა ვადამდელი კენჭისყრის საკითხი.