ტერორიზმისა და ტერორისტების მხარდაჭერაში ბრალდებულების საქმის პროკურორის, ნანა ხუნჯუას განცხადებით, დღეს დაკითხულმა მოწმემ, ბრალდებულები ამხილა.
„დღეს მხოლოდ ერთი მოწმის დაკითხვა მოვასწარით. აღნიშნული მოწმე ბრალდების ერთ-ერთი მთავარი მოწმე გახლავთ, რომელმაც სასამართლოში დადასტურა გამოძიებაში მიცემული ჩვენება და დანაშაულის ჩადენაში ბრალდებულები ამხილა. მან ასევე დეტალურად ღწერა საქმის ფაქტობრივი გარემოებები“, - განაცხადა ხუნჯუამ.
კითხვაზე, თუ საიდან ფლობდა აღნიშნული მოწმე სასამართლოსთვის მიწოდებულ ინფორმაციას, პროკურორი პასუხობს, რომ ამ კითხვაზე პასუხს ვერ გასცემს.
„აღნიშნული პიროვნება ამ საქმეზე მოწმე იმიტომ გახლავთ, რომ ამ ინფორმაციის მატარებელია. შესაბამისად, თუ კონკრეტულად საიდან აქვს მას ეს ინფორმაციები, ამ კითხვაზე პასუხს ვერ გაგცემთ“, - აღნიშნავს ხუნჯუა.
არის თუ არა, დღეს დაკითხული მოწმე, აღნიშნულ საქმეზე ბრალდებულთაგან ერთ-ერთი, პროკურორი არ აკონკრეტებს.
„მოწმეების უსაფრთხოებიდან გამომდინარე, მოწმეების სახელებს და გვარებს ვერ გეუბნებით, შესაბამისად, მათივე უსაფრთხოებიდან გამომდინარე, მოკლებული ვარ შესაძლებლობას, მოწმეების ვინაობა დაგიკონკრეტოთ“, - განაცხადა ხუნჯუამ.
ცნობისთვის, სუს-ის მიერ ჩატარებული სპეცოპერაციის შედეგად დაკავებული 6 პირიდან, 4- ს ბრალი ტერორისტებისთვის ხელშეწყობაში, ხოლო 2 პირს, ტერორისტული ორგანიზაციის წევრობაში ედება ბრალი, ერთ-ერთს, ასევე ბრალი ედება საქართველოში
