"ნაციონალური მოძრაობის" წევრის ნიკა რურუას ინფორმაციით, HTB+ საქართველოში ვეღარ შემოვა.
როგორც რურუა სოციალურ ქსელში წერს, ეს რუსეთის ჰიბრიდული ომის ერთი ეპიზოდის სერიოზული მარცხია საქართველოში.
"როგორც შევიტყვე, ჩვენი პროტესტის შედეგად რუსული პროპაგანდისტული მონსტრი HTB+ საქართველოში ვეღარ შემოვა. ეს რუსეთის ჰიბრიდული ომის ერთი ეპიზოდის სერიოზული მარცხია საქართველოში. ძალა ერთობაშია. გილოცავთ!", - წერს რურუა.
ცნობისთვის, უმსხვილესი რუსული სახელმწიფო მედიაჰოლდინგის, გაზპრომ-მედიას შვილობილი კომპანია NTV-PLUS-ის საქართველოში შემოსვლის შესახებ ინფორმაცია გასულ კვირას გავრცელდა.