ჰააგაში, ორგანიზაციის შტაბ-ბინაში, გაიხსნა ქიმიური იარაღის აკრძალვის ორგანიზაციის საბჭოს სხდომა, სოლსბერის საკითხთან დაკავშირებით.
სხდომა იმართება ბრიტანული მხარის ინიციატივით, პრესისთვის დახურულ რეჟიმში. სავარაუდოდ, ღონისძიების მონაწილეები ქიმიური იარაღის აკრძალვის ორგანიზაციის ექსპერტების მიერ მომზადებულ ანგარიშს განიხილავენ, სოლსბერიში მომხდარ ფაქტთან დაკავშირებით.
საღამოს შედგება პრესკონფერენცია რუსეთის დიპლომატიურ წარმომადგენლობაში. საელჩოს წარმომადგენელთა თქმით, ჟურნალისტების წინაშე წარსდგებიან რუსეთის ფედერაციის თავდაცვის სამინისტროსა და განვითარებისა და ვაჭრობის სამინისტროს დიპლომატიური წარმომადგენლები.
ცნობისთვის, ქიმიური იარაღის აკრძალვის ორგანიზაციაში შედის 190 ქვეყანა. საბჭო წარმოადგენს აღმასრულებელ ორგანოს და შედგება 41 წევრისაგან, რომელსაც თავად ორგანიზაცია ირჩევს ორი წლის ვადით.