პოლიცია ერევანის ცენტრში საპროტესტო აქციის მონაწილეების დაკავებას ახორციელებს, რომლებიც არ ემხრობიან სერჟ სარგსიანის სომხეთის პრემიერ-მინისტრად არჩევის გადაწყვეტილებას.
დილით დემონსტრანტები პრემიერ-მინისტრის რეზიდენციასთან მივიდნენ და მალევე დატოვეს ეს ტერიიტორია.
ცნობისთვის, აქცია სომხეთის პრემიერ-მინისტრად სერჟ სარგსიანის არჩევის წინააღმდეგ 13 აპრილს დაიწყო. ოპოზიცია მას ქვეყნის არაეფექტურ მმართველბაში, ასევე ქვეყნის გაუარესებულ ეკონომიკურ მდგომარეობაში ადანაშაულებს.
ორშაბათს მომიტინგეები ცდილობდნენ პარლამენტის შენობაში შესვლას, თუმცა პოლიციამ მათი ქმედება შეაჩერა. ურთიერთშჯახების შედეგად ათობით ადამიანი დაშავდა. მომდევნო დღეს მომიტინგეებმა განაცხადეს სომხეთში „ხავერდოვანი რევოლუციის“ დაწყების შესახებ სომხეთში.
პროტესტის მიუხედავად, სომხეთის პარლამენტმა სერჟ სარგსიანი მაინც აირჩია პრემიერ-მინისტრად. ამავდროულად, ძალაში შევიდა კონსტიტუციაში ცვლილებები, რომლის მიხედვითაც სომხეთის მთავრობა საპარლამენტო მმართველობით ფორმატზე გადადის.
