აშშ-ს პრეზიდენტი, დონალდ ტრამპი აცხადებს, რომ მსოფლიო სავაჭრო ორგანიზაციის და ტრანს-წყნარი ოკეანის პარტნიორობის წევრობა არამომგევბიანია ვაშინგტონისთვის და ხაზი გაუსვა, რომ ორმხრივი მოლაპარაკებები უფრო ეფექტური და უფრო მომგებიანია სავაჭრო პარტნიორობისთვის.
„თუმცა იაპონიას და სამხრეთ კორეას სურს, რომ ჩვენ დავბრუნდეთ ტრანს-წყნარი ოკეანის პარტნიორობაში, ეს გარიგება მე არ მომწონს. ძალზე ბევრი ვალდებულებებია და არავითარ შესაძლებლობა მისგან გამოსვლის, თუკი ის არ იმუშავებს“ - წერს ტრამპი Twitter-ზე.
"ორმხრივი გარიგებები ბევრად უფრო ეფექტური და მომგებიანია, ისინი უკეთესია ჩვენი თანამშრომლებისთვის. შეხედეთ, თუ რამდენად ცუდია, აშშ-სთვის მსოფლიო სავაჭრო ორგანიზაცია", - დაამატა პრეზიდენტმა.
ცნობისთვის, ხელშკრულებას ტრანს-წყნარი ოკეანის პარტნიორობასთან, 2016 წელს მოეწერა ხელი. შეთანხმების ფარგლებში, იგეგმებოდა თავისუფალი სავაჭრო ზონის შექმნა აზიის-წყნარი ოკეანის რეგიონში. წყნარი ოკეანის ქვეყნები მსოფლიო ეკონომიკის 40% -ს შეადგენს, რაც მსოფლიო ვაჭრობის მესამედია. შეთანხმების მონაწილეები გახდნენ 12 ქვეყანა: აშშ, კანადა, ავსტრალია, ახალი ზელანდია, სინგაპური, მალაიზია, ბრუნეი, ვიეტნამი, იაპონია, მექსიკა, ჩილეს და პერუ.
თუმცა, 2017 წლის იანვარში, დონალდ ტრამპმა ხელი მოაწერა განკარგულებას შეთანხმებიდან აშშ-ს გასვლის თაობაზე. ტრამპის პოლიტიკური ოპონენტები და ექსპერტები შიშობენ, რომ პარტნიორობიდან აშშ-ს გაყვანა გააძლიერებს რეგიონში ჩინეთის პოზიციას. ტრამპის ადმინისტრაცია აცხადებს, რომ არსებული ფორმით ხელშეკრულება არაა ხელსაყრელი აშშ-სთვის.