„ქართული მარშის“ წევრები იცავდნენ თავიანთ სარწმუნოებას და რელიგიას, ამის უფლება მათ ჰქონდათ. ჩვენ არ მიგვაჩნია, რომ ეს აგრესიული ფორმა იყო“, - განაცხადა ჟურნალისტებთან „ქართული მარშის“ წევრების ადვოკატმა, ცირა ჯავახიშვილმა.
ის „რუსთავი2“-ს სისხლის სამართლის კოდექსის დარღვევაში ადანაშაულებს და საგამოძიებო უწყებას რეაგირებისკენ მოუწოდებს.
„ჩვენ ვითხოვთ შს სამინისტროსა და პროკურატურის რეაგირებას, რათა მათ დაიწყონ გამოძიება სისხლის სამართლის 182-ე და 182’ მუხლების საფუძველზე. “რუსთავი 2“-ის მხრიდან ადგილი ჰქონდა რელიგიური რწმენის შეურაცხყოფას და მხოლოდ ბოდიშის მოხდით არ უნდა დაასრულდეს. სასჯელი შეიძლება გამოიხატოს იურდიული პირის ლიკვიდაციაშიც კი. ასეთ უპასუხისმგებლო ქმედებებს ადგილი ხშირად აქვს, როგორც „რუსთავი 2“-ის, ასევე არასამთავრობო ორგანიზაციების მხრიდანაც“, - აცხადებს ჯავახიშვილი.
ცნობისთვის, “რუსთავი 2”-თან მომხდარი დაპირისპირების შედეგად, ადმინისტრაციულ სამართალდარღვევათა კოდექსით სულ 6 პირი დააკავეს, აქედან მიხეილ ამისულაშვილი ჯანმრთელობის მდგომარეობის გამო ხელწერილით არის გათავისუფლებული, ლადო სადღობელაშვილი და ირაკლი დოლენჯაშვილი საავადმყოფოში გადიან მკურნალობას.