თარიღი    დრო

აჭარის ფინანსთა და ეკონომიკის მინისტრი რამაზ ბოლქვაძე KfW-ს პროექტის რეგიონალურ მენეჯერს შეხვდა

საქართველო, თბილისი - 16:16 03.14.2018 321

აჭარის ფინანსთა და ეკონომიკის მინისტრმა რამაზ ბოლქვაძემ KfW-ს პროექტის რეგიონალურ მენეჯერთან ბერნ ჰასელთან და კომპანიის სხვა წარმომადგენელებთან შეხვედრა გამართა.

შეხვედრაზე მინისტრმა აჭარაში წყლის რეფორმის განხორციელების პროექტის მიმდინარეობის შესახებ ინფორმაცია მიიღო.

პროექტის განმახორციელებელმა მხარეებმა წყლის სისტემის რეაბილიტაციის პროექტის ფარგლებში უკვე შესრულებული სამუშაოებისა და დაგეგმილი ღონისძიებების შესახებ ისაუბრეს.

პროექტის მომედვნო ეტაპზე გადასვლისთვის აუცილებელი პროცედურები უკვე დაწყებულია.

შეხვედრაზე მინისტრმა უცხოელ პარტნიორებს მადლობა გადაუხადა და ზოგადად აჭარისთვის პროექტის მნიშვნელობაზე ისაუბრა.

პროექტის განსახორციელებლად სს „აჭარის წყლის ალიანსი“ შეიქმნა, რომლის შემადგენლობაში აჭარის მთავრობა აჭარის ფინანსთა და ეკონომიკის სამინისტროს სახით არის წარმოდგენილი, გარდა ამისა ალიანსში რეგიონის ყველა მუნიციპალიტეტია ჩართული.

წყლის სისტემის რეაბილიტაცია აჭარის მთავრობისა და გერმანიის რეკონსტურქციის საკრედიტო ბანკის მხარდაჭერით მიმდინარეობს, რომლის ფარგლებში ტექნიკურ-ეკონომიკური კვლევის დოკუმენტი საკონსულტაციო კომპანია მაქსის (MACS – Energy and Water) მიერ მომზადდა. სააქციო საზოგადოება კონსულტანტის ფუნქციებს შეითავსებს და მუნიციპალიტეტებს ტენდერის გამოცხადებაში, პრიორიტეტების განსაზღვრაში და სხვა საქმიანობაში დაეხმარება.

აჭარაში წყლის სექტორის რეფორმა გერმანიის რეკონსტურქციის საკრედიტო ბანკის (KfW) შეღავათიანი სესხითა და ევროკავშირის NIF-ის გრანტით დაფინანასდება;

პროექტის საერთო საინვესტიციო ღირებულება 44.000.000 ევროს შეადგენს, რომელიც როგორც ცენტრალური, ისე დეცენტრალიზებული კომპონენტისთვის დაიხარჯება. ინვესტიციების პერიოდი 7 წელზეა გათვლილი (2018-2024წწ).

პროექტის განხორციელების საწყის ეტაპზე, სპეციალურად შერჩეული კონსულტანტების მიერ დეტალური პროექტები მომზადდება და ყველა მუნიციპალიტეტისთვის სატენდერო პროცედურები განხორციელდება.

პროექტამდე არსებული და პროექტის შემდგომ შექმნილი ინფრასტრუქტურული აქტივები, ისევე, როგორც საერთო სერვისების მიწოდებისთვის საჭირო აქტივები, მუნიციპალიტეტების საკუთრებაში გადავა.

სამინისტროში გამართულ შეხვედრას აჭარის ფინანსთა და ეკონომიკის მინისტრის მოადგილე ლევან დავითაძე, სამინისტროს წარმომადგენლები და პროექტში ჩართული სხვა მხარეები ესწრებოდნენ.




Tavdacva

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.4%
შემცირდა 11.7%
არ შეცვლილა 2.9%