BGEO ჯგუფი საპენსიო რეფორმის არსებულ მოდელს იწონებს.
როგორც დღეს BGEO ჯგუფის გენერალურმა დირექტორმა ირაკლი გილაურმა განმარტა, დღეს საქართველოსათვის ნომერ პირველ გამოწვევად კაპიტალთან წვდომა მიიჩნევა.
„ჩვენ ვფიქრობთ, რომ საპენსიო რეფორმის ის პროექტი, რომელიც წარდგენილია საკმაოდ კარგი პროექტია. ვფიქრობთ, რომ საქართველოს ნომერ ერთი გამოწვევა არის კაპიტალთან წვდომა. ბიზნესმა უნდა მოიტანოს კაპიტალი. სესხები ბევრია საქართველოში. ობლიგაციების სახით მოხდეს განთავსება თუ კაპიტალის შემოდინება მოხდეს ქვეყანაში ეს არის ჩემი აზრით ძალიან მნიშვნელოვანი. სესხზე წვდომა საქართველოში რეალურად არის, საკმაოდ დივერსიფიცირებულია. საპენსიო რეფორმა რეალურად რას აკეთებს? რეალურად კაპიტალთან წვდომას უზრუნველყოფს. კაპიტალთან წვდომა ხდება, რომ ლოკალური საფონდო ბაზრის განვითარება არის მნიშვნელოვანი. შესაბამისად ლოკალური საფონდო ბაზარი თუ არ განვითარდა კაპიტალთან წვდომა არ იქნება. სამწუხაროდ საქართველოში არ არის დაგროვებული ქონება, როგორც ეს ინგლისსა და ამერიკაშია. საუკუნეების განმავლობაში გროვდებოდა ეს ქონება გადადიოდა ოჯახიდან ოჯახში, ხელიდან ხელში და დაგროვდა ქონება. და შემდგომ ეს ქონება კაპიტალის სახით იდება ამ ქვეყნებში. ჩვენთან ეს ქონება არ დაგროვებულა და „საქართველოს კაპიტალიც“ მაგას აკეთებს, რომ კაპიტალს იზიდავს. რატომ ვფიქრობთ, რომ "საქართველოს კაპიტალი" იქნება წარმატებული? ვფიქრობთ, რომ კაპიტალთან წვდომით მნიშვნელოვანია განავითარო ახალი ბიზნესები", - აღნიშნა გილაურმა.
