ენმ ბიძინა ივანიშვილის ხის გადასატანად გზის გაყვანის სამუშაოებთან დაკავშირებით პროკურატურაში სარჩელი შეიტანეს. "ნაციონალურ მოძრაობაში" აცხადებენ, რომ მახინჯაური- ჩაქვის მონაკვეთზე ბიძინა ივანიშვილის ხის გადასატანად კომპანია გზის გაყვანის სამუშაოებს აწარმოებს და ეს ბიუჯეტის ხარჯზე ხდება.
აჭარის უმაღლესი საბჭოს წევრის გია აბულაძის განცხადებით, ამ უკანონო ქმედებაში მონაწილეობა არ უნდა მიიღოს არავინ, წინააღმდეგ შემთხვევაში მათ პასუხისმგებლობა დაეკისრებათ.
ოპოზიციონერი დეპუტატი აცხადებს, რომ დამატებითი გზა საჭიროებას არ წარმოადგენს იგი მხოლოდ ხის გადასატანად არის საჭირო.
„ბიუჯეტიდან იხარჯება 2 მილიონ ნახევარი ბიძინა ივანიშვილის ხის გადასატანად, მეორე, ხდება სახელმწიფო შესყიდვის ხელშეკრულების გაფორმება კომპანიასთან, რომლმაც უნდა მოამზადოს როგორც პროექტი, ასევე ხარჯთაღრიცხვა და მერე თვითონ უნდა შეასრულოს ეს სამუშაოები. მე მოვუწოდებ ყველა საჯარო მოხელეს, მოვუწოდებ კომპანიას, ვინც მონაწილეობას ღებულობს აჭარის ბუნების განადგურებაში, ისინი აუცილებლად, დღეს თუ არა ხვალ დაისჯებიან,“ - განაცხადა ,,რუსთავი 2“ - თან გია აბულაძემ.