ქმრის დაჭრაში სავარაუდო ბრალდებულს, ლია მიქელაძეს უახლოეს დღეებში ბრალს წაუყენებენ. აღნიშნული ინფორმაცია „ჯი-ეიჩ-ენს“ მიქელაძის ადვოკატმა, პაატა ბერიძემ განუცხადა.
„ბრალი შესაძლოა ხვალ, ან ორშაბათ-სამშაბათს წაუყენონ. მანამდე მოწმეთა დაკითხვა უნდა ამოწურონ. დღეს მათი არასრულწლოვანი, 10 წლის შვილი გამოკითხეს. დაკითხვას არ ვესწრებოდი, თუმცა, ბავშვმა რაც დაინახა, იმას იტყოდა“, - აცხადებს ბერიძე.
მისი ვარაუდოთ, სასამართლო მიქელაძეს პატიმრობაში არ დატოვებს. ის ბრალს არ აღიარებს და აცხადებს, რომ მოძალადე ქმრისგან თავს იცავდა
„ჩემი აზრით, სასამართლო გირაოს გამოიყენებს და მიქელაძეს პატიმრობაში არ დატოვებს“, - აღნიშნავს ადვოკატი.
შეგახსენებთ, რომ ქობულეთის მუნიციპალიტეტის სოფელ ოჩხამურში სამი მცირეწლოვანის დედამ, ლია მიქელაძემ 31 წლის მეუღლეს, ხვიჩა კვიზირიას სამზარეულოს დანით ჭრილობა მიაყენა. რის შემდეგაც, მომხდარის შესახებ სამართალდამცავებს თავად განუცხადა.
მომხდარ ფაქტთან დაკავშირებით, გამოძიება სისხლის სამართლის კოდექსის" 19.108 მუხლით მიმდინარეობს, რაც განზრახ მკვლელობის მცდელობას გულისხმობს.
