საქართველოს თავდაცვის სამინისტროში შრომითი ხელშეკრულებით დასაქმებული პირები, 2018 წლის 1-ლი მარტიდან, შტატიანი თანამშრომლების მსგავსად, ჯანმრთელობის დაზღვევით ისარგებლებენ.
სამინისტროს ინფორმაციით, 1315 დასაქმებულიდან, 1258 თანამშრომელი სადაზღვევო მომსახურებით ვერ სარგებლობდა.
ცვლილების მიხედვით, პირველი მარტიდან ხელშეკრულებით დასაქმებული თითოეული პირი და მათი ოჯახის წევრები – მეუღლე და შვილი საბაზისო პაკეტით გათვალისწინებული მომსახურებით ისარგებლებენ.
უწყების ხელმძღვანელ, ლევან იზორიას გადაწყვეტილებით, ხელშეკრულებით დასაქმებულ თანამშრომლებს სადაზღვევო კომპანია იგივე სადაზღვევო პირობებს სთავაზობს, რითაც თავდაცვის სამინისტროს შტატიანი თანამშრომლები სარგებლობენ.
