„ზაზა ბაქრაძის აღიარება ჩემთვის სურპრიზი არ ყოფილა, რადგან ვიცი რომ მართალი ვარ და ბაქრაძის გარდა სხვა ვინმეებიც მალე ჩაერევიან და ილაპარაკებენ. დონაძემ 8 წლის შემდეგ მოიტანა ის კასეტა, რომ ბუტა ხელაწეული ყავთ მოკლული”, - ამის შესახებ ბუტა რობაქიძის მამამ სოსო რობაქიძემ ჟურნალისტებთან განაცხადა.
,,რაც შეეხება იმას რომ ეს აღიარება დაგვიანებულია, გეტყვით, რომ დონაძემ 8 წლის შემდეგ მოიტანა ის კასეტა, რომ ბუტა ხელაწეული ყავთ მოკლული. მანამდე ამბობდნენ, რომ ორმხრივი სროლის შედეგად დაიღუპა. ნებისმიერი პატრულის მიცემული ჩვენება დაგვიანებულია, რადგან მაშინ არასწორი ჩვენება მისცეს. ასე მოუვიდა ბაქრაძესაც. აღიარონ მიქაძემ და დონაძემ და სიმართლე თქვან ასეთ ზღაპრებს რომ ლაპარაკობენ. როცა ოთხი მასრაა ნაპოვნი, ორი ბუტასი და ორი ბაშალეიშვილის, ტყვიის გავარდნაზე საუბარი ზედმეტია. გამაფრთხილებელიც რომ ესროლა და შემდეგ ესროლათ გავარდნა მაინც არ გამოდის. ძალიან მალე დაგიმტკიცებთ ყველას რომ ბაშალეიშვილმა რობაქიძეს დამიზნებით ესროლა. მე მოგიტანთ დისკს, სადაც ჩანს, რომ ბაშალეიშვილი მეტრანახევარზე წევს ხელს და ესვრის ბუტას. მერე მასრა იყრება ძირს და ჯიბეში იდებს, რომ ფაქტი მოსპოს“ - განაცხადა ჟურნალისტებთან ბუტა რობაქიძის მამამ სოსო რობაქიძემ.
ამ წუთებში თბილისის საქალაქო სასამართლოში პროცესი ექსპერტების დაკითხვით მიმდინარეობს. შეგახსენებთ რომ ბუტა რობაქიძის მკვლელოვბის საქმეზე უფლებამოსილების ბოროტად გამოყენების ბრალდებით ხუთი პირია ბრალდებული.