„პროცესი ჯერ არ ჩანიშნულა, თუმცა, ბექას სასამართლოში დღეს მიიყვანენ. ის ადმინისტრაციულ სამართალდარღვევათა კოდექსის 166-ე, წვრილმანი ხულიგნობის მუხლით არის დაკავებული“, - განუცხადა „ჯი-ეიჩ-ენს“ ბექა წიქარიშვილის ადვოკატმა, ანა ნასრაშვილმა.
შეგახსენებთ, რომ მოძრაობა „თეთრი ხმაურის“ წევრი, ბექა წიქარიშვილი გუშინ, თბილისის საქალაქო სასამართლოს ეზოში დააკავეს. ის გიორგი გიორგანაშვილის, იგივე ბახალას, განაჩენის გამოცხადების შემდეგ, სასამართლოს ეზოში მომხდარი ინციდენტის დროს დააკავეს.
ცნობისთვის, ადმინისტრაციულ სამართალდარღვევათა კოდექსის 166-ე მუხლი, ჯარიმის სახით, 100 ლარის გადახდას, ან 15 დღიან პატიმრობას ითვალისწინებს.