მორიგი ქიმიური თავდასხმა სირიაში. აშშ სახელმწიფო მდივანი მომხდარში პასუხისმგებლობას რუსეთს აკისრებს. განცხადება რექს თილერსონმა პარიზში საერთაშორისო კონფერენციაზე გააკეთა.
სახელმწიფო მდივნის თქმით, გუშინდელ ქიმიურ თავდასხმას აღმოსავლეთ ღუტაში 20 ადამიანი ემსხვერპლა. დაღუპულებს შორის არიან ბავშვებიც. სირიაში ქიმიური იარაღის გამოყენების საკითხზე ისაუბრეს გაეროს უშიშროების საბჭოშიც, სადაც აშშ-ს წარმომადგენელმა რუსეთს საფრანგეთის იმ ინიციატივის მხარდაჭერისკენ მოუწოდა, რომელიც ქიმიური თავდასხმის ფაქტების გამოძიებას ეხება.