ტერორიზმის მხდარაჭერის საქმეზე ბრალდებულ ანატოლი ბერძენიშვილისთვის აღკვეთის ღონისძიების შეფარდებაზე სასამართლომ შესაძლოა, დღეს იმსჯელოს.
ბერძენიშვილის ადვოკატი, მაია სირაძე „ჯი-ეიჩ-ენთან“ საუბარში აცხადებს, რომ საქმის მასალების გაცნობა ვერ მოასწრო, რის გამოც, სასამართლოს პროცესის გადადების განცხადებით მიამრთავს.
„ვფიქრობთ, განცხადება შევიტანოთ, პროცესის ხვალისთვის გადადებასთან დაკავშირებით, ვინაიდან საქმის მასალები გუშინ გვიან გადმოგვეცა და ფაქტობრივად, ვერ გავეცანით. ჩვენ ბერძენიშვილის გათავისუფლებას მოვითხოვთ, შესაძლებელია, გირაოც დავაყენოთ. ის რა თქმა უნდა, თავს დამნაშავედ არ ცნობს და არც ბრალზე მოუწერია ხელი“, - აცხადებს სირაძე.
შეგახსენებთ, რომ ორი დღის წინ სახელმწიფო უსაფრთხოების სამსახურის კონტრტერორისტულმა დეპარტამენტმა თბილისში, საქართველოს მოქალაქე ანატოლი ბერძენიშვილი დააკავა. სუს-ის ინფორმაციით, გამოძიების ამ ეტაპზე დადგენილია, რომ დაკავებული ანატოლი ბერძენიშვილი ჩავიდა თურქეთში ახმედ ჩატაევის და მისი დაჯგუფების წევრების დასახმარებლად. დაკავებულმა, ზურაბ გორნაკაშვილთან და ზურაბ იდოიძესთან ერთად, ახმედ ჩატაევს და მისი დაჯგუფების წევრებს დახმარება გაუწია თურქეთ-საქართველოს საზღვართან, კირნათი-მარადიდის მწვანე ზოლის მონაკვეთამდე გადაადგილებაში.
