ჩვენ ვცდილობთ, ვაჩვენოთ ჩვენს ჩრდილოელ მეზობელ რუსეთს, რომ საქარველოს პოლიტიკა – გახდეს დასავლური საზოგადოების წევრი, არ არის მიმართული ვინმეს წინააღმდეგ, ის არ არის მიმართული ჩვენი მეზობლების წინააღმდეგ, ის არ არის მიმართული რუსეთის წინააღმდეგ, - ამის შესახებ საქართველოს პრემიერ-მინისტრიმა გიორგი კვირიკაშვილმა დავოსის მსოფლიო ეკონომიკური ფორუმის ფარგლებში გამართულ დისკუსიაზე – „სტრატეგიული პერსპექტივა: ევრაზია“, განაცხადა.
მისი თქმით, უნდა ვეძებოთ პლატფორმები, სადაც ჩვენ ვიპოვით საერთო ინტერესებს და სადაც შევძლებთ მემკვიდრეობით მიღებული პრობლემების მოსაგვარებლად პოზიტიური მოლაპარაკებების დაწყებას.
„ეს საფრთხე საერთოა. ევროკავშირთან ჩვენ გვაქვს კარგი დინამიკა ჩვენი ქვეყნის დემოკრატიის სტანდარტების ევროპულ სტანდარტებთან დაახლოების მხრივ. სამწუხაროდ, უკრაინა რუსეთის გამო გამოწვევის წინაშე დგას, მისი ტერიტორიული მთლიანობა შელახულია. ჩვენ მხარს ვუჭერთ უკრაინის ტერიტორიულ მთლიანობას.
როგორც ვთქვი, ტერიტორიული მთლიანობა უნდა იყოს რეგიონული კონფლიქტების შესახებ მოლაპარაკებების ქვაკუთხედი. ეს არის პრინციპული და კითხვის ნიშნის ქვეშ არ უნდა დადგეს. წინააღმდეგ შემთხვევაში, ჩვენ მივიღებთ ქაოსს არა მხოლოდ რეგიონში, არამედ მთელ მსოფლიოში.
როგორ გავუმკლავდეთ რუსეთის მხრიდან საფრთხეს, ეს საქართველოში ყოველდღიური საკითხია. იგივე ხდება უკრაინაში. შესაძლოა, სხვაგვარად გამოიყურება, თუმცა ფორმულა ერთია. ჩვენ ვცდილობთ, ვაჩვენოთ ჩვენს ჩრდილოელ მეზობელ რუსეთს, რომ საქარველოს პოლიტიკა – გახდეს დასავლური საზოგადოების წევრი, არ არის მიმართული ვინმეს წინააღმდეგ, ის არ არის მიმართული ჩვენი მეზობლების წინააღმდეგ, ის არ არის მიმართული რუსეთის წინააღმდეგ.
რუსეთი უნდა იყოს დაინტერესებული, რომ ჰყავდეს სტაბილური მეზობელი სამხრეთით. ჩვენ უნდა ვეძებოთ პლატფორმები, სადაც ჩვენ ვიპოვით საერთო ინტერესებს და სადაც შევძლებთ მემკვიდრეობით მიღებული პრობლემების მოსაგვარებლად პოზიტიური მოლაპარაკებების დაწყებას“, – განაცხადა კვირიკაშვილმა.
