ფილიპინების პრეზიდენტმა როდრიგო დუტერტემ სამხედროებს მოუწოდა დახვრიტონ იმ შემთხვევაში, თუკი ქვეყნის კონსტიტუციას დაარღვევს და პრეზიდენტის პოსტზე ვადაზე მეტხანს დარჩება. „თუკი მე პრეზიდენტად საჭიროზე მეტხანს დავრჩენი და დიქტატორობას გადავწყვეტ, დამხვრიტეთ,“-აღნიშნა როდრიგო დუტერტემ. ამ განცხადებით ფილიპინების ლიდერი დასავლურ პრესაში გავრცელებულ ინფორმაციას გამოეხმაურა იმის შესახებ, რომ მას კონსტიტუციაში ცვლილებების შეტანა და პრეზიდენტის პოსტზე ყოფნის გახანგრძლივება სურს.
