სირიის პროვინცია აფრინში ქურთების წინააღმდეგ დაწყებული ოპერაციის, „ ზეთისხილის რტოს“ ფარგლებში პირველი თურქი სამხედრო დაიღუპა. ამის შესახებ თურქეთის შეიარაღებული ძალების გენერალური შტაბი იტყობინება. უწყების ინფორმაციით, პირველი მსხვერპლი კილისის სიახლოვეს ქურთ ამბოხებულებთან შეტაკებას მოყვა. ოპერაცია „ზეთისხილის რტო“ 20 იანვარს საავიაციო იერიშებით დაიწყო. 21 იანვარს კი თურქეთის პრემიერმა ოპერაციის სახმელეთ ფაზის დაწყების შესახებ გამოაცხადა.
