პალესტინის ეროვნული ადმინისტრაციის ლიდერი ევროკავშირს პალესტინის დამოუკიდებლობის აღიარებისკენ მოუწოდებს. საგანგებო განცხადება მაჰმუდ აბასმა ევროკავშირის საგარეო საქმეთა მინისტრებთან შეხვედრამდე გააკეთა.
„ევროკავშირის პოზიციას პატივს ვცემთ, რადგანაც ამ ორგანიზაციას ჩვენს ნამდვილ მეგობრად და პარტნიორად ვთვლით. ამიტომ, მოვუწოდებთ ერთიანი ევროპის წევრ ქვეყნებს, რაც შეიძლება მალე აღიარონ პალესტინის სახელმწიფო. ეს სამშვიდობო მოლაპარაკების გაგრძელებას ხელს არანაირად არ შეუშლის,“-აღნიშნა აბასმა.
