შეერთებული შტატების ვიცე-პრეზიდენტი ორდღიანი ვიზიტით იერუსალიმში იმყოფება. მაიკ პენსის გამოსვლას ქნესეთში არაბი დეპუტატების პროტესტი მოჰყვა. ისინი პენსის გამოსვლის ჩაშლას შეეცადნენ. დეპუტატები დაცვის თანამშრომლებმა დარბაზიდან ძალის გამოყენებით გაიყვანეს, რის შემდეგაც ამერიკის ვიცე-პრეზიდენტმა ებრაელ პარლამენტარებს სიტყვით მიმართა. მაიკ პენსმა პალესტინა-ისრაელის სამშვიდობო მოლაპარაკებებს მხარდაჭერა გამოუცხადა, თუმცა იქვე დასძინა, რომ შეერთებული შტატები იერუსალიმში საელჩოს გადატანის პირობას შეასრულებს. მისივე თქმით, თელ-ავივიდან იერუსალიმში დიპლომატიური მისიის გადასვლა 2019 წლის ბოლომდე მოხერხდება.
