ქალაქ რუსთავთან, მდინარე მტკვრის მარცხენა სანაპიროსთან, ათობით ცხვრის ლეშის შესახებ ინფორმაცია დღეს გავრცელდა. დახოცილი ცხვრები იმ ფერმის თანამშრომლებმა დაყარეს, რომელიც აღნიშნული ტერიტორიიდან რამდენიმე მეტრში მდებარეობს.
არსებული ინფორმაციით, ფერმა უცხოელ ბიზნესმენებს ეკუთვნით. ფერმის თანამშრომლები აცხადებენ, რომ მათ ცხოველის ლეში ფერმიდან მას შემდეგ გამოიტანეს, რაც მათი ხელმძღვანელისგან მიიღეს დავალება. გარდა ამისა, ისინი აცხადებენ, რომ ცხვრები ბოლო პერიოდში დაავადებით იხოცებიან, თუმცა რა დაავადებამ გამოიწვია ცხოველების დახოცვა ამ დროისთვის უცნობია.
ადგილზე მუშაობენ, როგორც სურსათის უვნებლობის სააგენტოს წარმომადგენლები, ასევე გარემოს დაცვითი ზედამხედველობის დეპარტამენტის თანამშრომლები.
მათ დარღვევების შესახებ, შესაბამისი აქტი უკვე შეადგინეს.
