ფილიპინებში სტიქიური საფრთხის დონე მეოთხე კატეგორიამდე გაზარდეს. ამის მიზეზი მოქმედი ვულკანი მაიონი გახდა, რომელმაც ამოფრქვევა გასულ კვირას დაიწყო. ალბაის პროვინციის გუბერნატორმა ადგილობრივ მცხოვრებლებს ქუჩებში ნიღბებით სიარულისკენ მოუწოდა. ვულკანური ფერფლისა და დაკვამლიანების გამო რამდენიმე რაიონში სუნთქვისა და ხილვადობის პრობლემები შეიქმნა. დროებით შეწყვეტილია სასწავლო პროცესიც.