ესპანეთის პროკურატურის გაფრთხილების მიუხედავად, კატალონიის ყოფილი ლიდერი კარლეს პუჩდემონი ბელგიიდან დანიაში გაემგზავრა. ამის შესახებ ესპანური მედია იტყობინება.
პუჩდემონმა კოპენჰაგენის უნივერსიტეტში პოლიტოლოგიის ფაკულტეტზე კატალონიის საკითხებზე დებატებში უნდა მიიღოს მონაწილეობა.
მან პირველად დატოვა ბრიუსელი მას შემდეგ, რაც თავს ბელგიის დედაქალაქს აფარებს. ესპანეთის სასამართლომ ბრიუსელში მყოფი პუჩდემონისა და მინისტრების დაკავების ორდერი 3 ნოემბერს გასცა.
