ხარაგაულის რაიონის სოფელ ბეჟათუბანში, სარკინიგზო გვირაბის მშენებლობაზე მომხდარი აფეთქებისას დაშავებული ერთ-ერთი მუშა, რომლის ჯანმრთელობის მდგომარეობა მძიმეა, თბილისში გადმოჰყავთ.
როგორც რკინიგზელთა ახალი პროფესიული კავშირის თავმჯდომარემ, ვიტალი გიორგაძემ "ჯი-ეიჩ-ენს" განუცხადა, დაშვებული მდგომარეობის სიმძიმის გამო ხაშურის საავადმყოფომ არ მიიღო, ხოლო ორი მუშა ხაშურის საავადმყოფოში რჩება.
"რამდენადაც ჩემთვის ცნობილია, დაშავებული მუშა თბილისში თავად კომპანიის, ჩინეთის რკინიგზის 23-ე ბიუროს წარმომადგენლებს გადმოჰყავთ. აფეთქება გვირაბების შეერთების დროს, უსაფრთხოების წესების დარღვევის გამო მოხდა. ჩვენ სამი დღის განმავლობაში უამრავი საპროტესტო აქცია გავმართეთ, თუმცა უშედეგოდ", - განაცხადა ვიტალი გიორგაძემ.