ესპანეთის საგადასახადო სამსახურმა პროკურატურას კოლუმბიელი მომღერლის, შაკირას წინააღმდეგ გამოძიების დაწყების მოთხოვნით მიმარტა. უწყება ეჭვობს, რომ მომღერალი გადასახადებს მალავს. საუბარია რამდენიმე მილიონ ევროზე. შაკირა ესპანეთის ნაკრების ფეხბურთელ ჟერარ პიკესთან ურთიერთობაში 2010 წლიდან იმყოფება, თუმცა ის ესპანეთის საგადასახადო ორგანოში აღრიცხვაზე მხოლოდ 2015 წელს დადგა. საგადასახდო ორგანო მომღერალს სწორედ 2015 წლამდე პერიოდში ესპანეთის ტერიტორიაზე გადასახადების დამალვაში ადანაშაულებს. მომღერალი დროის დიდ ნაწილს სწორედ ესპანეთში ატარებდა.