თავისუფლების ქანდაკებას ვიზიტორებისთვის დღეს ისევ გახსნიან. ნიუ-იორკის გუბერნატორის განცხადებით, გადაწყვეტილება ძალაში შევა, მიუხედავად იმისა, შეჩერებული იქნება თუ არა ფედერალური მთავრობის მუშაობა მომდევნო კვირასაც. მისივე თქმით, იმისათვის, რომ მონუმენტი დამთვალიერებლებისთვის ღია იყოს, ის შტატის ბიუჯეტს გამოიყენებს. თავისუფლების ქანდაკება არ არის ერთადერთი ტურისტული ობიექტი, რომელიც მთავრობის დაფინანსების დროებით შეწყვეტის გამო დახურეს. დამთვალიერებლებისთვის დახურულია ბიუჯეტის დაფინანსებაზე დამოკიდებული ეროვნული პარკებისა და მუზეუმების მესამედი. თავისუფლების ქანდაკება კი მნახველებისთვის გუშინ დაიხურა.