“ხელისუფლების წარმომადგენელთა სუსტმა პოლიტიკამ და ბიზნესის წინაშე მათმა სრულმა მორჩილებამ, მშენებლობაზე დასაქმებულთა დაღუპვა ჩვენი ქვეყნის ყოველღიურობად აქცია“, - ამის შესახებ მეტალურგიული, სამთო და ქიმიური მრეწველობის მუშაკთა პროფკავშირის თავმჯდომარე, თამაზ დოლაბერიძე სოციალურ ქსელ Facebook-ის პირად გვერდზე წერს.
დოლაბერიძის შეფასებით, კომპანია, რომელსაც არ ანაღვლებს მუშის ბედი, არც კლიენტის ბედით იქნება დაინტერესებული.
„მშენებლობაზე რომ დასაქმებულები იღუპებიან რა თქმა უნდა დიდი ტრაგედიაა, თუმცა ხელისუფლების წარმომადგენელთა სუსტმა პოლიტიკამ და ბიზნესის წინაშე მათმა სრულმა მორჩილებამ, ეს მოვლენა ჩვენი ქვეყნის ყოველღიურობად აქცია.
მაგრამ ეს თუ ასე გაგრძელდა, სავარაუდოდ ჩვენ უარესი და გაცილებით მასშტაბური ტრაგედიები გველოდება მომავალში და აი რას ვგულისხმობ:
რამდენადაც ვიცი, შრომის უსაფრთხოება სრულყოფილად რომ იყოს დაცული, სამშენებლო კომპანიამ თითოეულ კვადრატულ მეტრზე უნდა დახარჯოს დამატებითი 25 თეთრი.
კომპანია, რომელიც გაურბის 25 თეთრის დახარჯვას, როგორ ფიქრობთ, უარს იტყვის დანაზოგის გაკეთებაზე სამშენებლო მასალების შეძენისა და გამოყენების პროცესში?
კომპანია, რომელსაც არ ანაღვლებს მუშის ბედი, რატომ გვგონია, რომ კლიენტის ბედით იქნება დაინტერესებული“?- წერს თამაზ დოლაბერიძე.
ამავე თემაზე: ინერციით მოგვყვება უცხოური ინვესტიციებისა თუ ბიზნესინტერესების გაფეტიშება, რაც შრომით უსაფრთხოებას აზარალებს - ბექა ნაცვლიშვილი
ყოველ წელს, საწარმოო ინციდენტების შედეგად, ათეულობით მუშა იღუპება - Human Rights Watch
მუშა, რომელიც თემქაზე მშენებარე ობიექტიდან გადავარდა, გარდაიცვალა