თბილისში, წმინდა ბარბარეს უბანში 32 წლის ქალს ყოფილმა ქმარმა 14 ჭრილობა, 4 ნაკვეთი ჭრილობა საზარდულის არეში, 10 კი, მუცელში მიაყენა.
"რუსთავი 2"-ის ინფორმაციით, 2 მცირეწლოვანი შვილის დედა რეანიმაციულ განყოფილებაში კრიტიკულ მდგომარეობაში იმყოფება. რეანიმაციულ განყოფილებაში იმყოფება ქალის მეგობარი მამაკაციც, რომელიც ასევე ყოფილმა ქმარმა დაჭრა.
ბრალდებული სამართალდამცველებმა გუშინვე შემთხვევის ადგილიდან რამდენიმე კილომეტრში დააკავეს.
"რუსთავი 2"-ის ცნობით, დაჭრას წინ დაპირისპირებაც უძღოდა. როგორც ირკვევა, ახალგაზრდა ქალი სახლში 2 მცირეწლოვან შვილთან ერთად ქირით ცხოვრობდა, ბავშები თავდასხმის დროს სახლში არ იმყოფებოდნენ. ბინის მეპატრონე კი ყვება, რომ ყოფილი მეუღლე ქალზე სისტემატურად ძალადობდა, დახმარების თხოვნით კი დაზარალებულმა პოლიციას რამდენჯერმე მიმართა.
შსს-ს ცნობით, მომხდართან დაკავშირებით გამოძიება ოჯახური ძალადობის საფუძველზე ორი პირის მკვლელობის მცდელობის ფაქტზე მიმდინარეობს. დაკავებული ბრალს აღიარებს.
