მოსკოვში ლუგანსკის დეფაქტო ლიდერის გაქცევის შესახებ კრემლის პრეს-სამსახურის ხელმძღვანელმა საუბარი არ ისურვა.
„პლოტნიცკისა და ლუგანსკის თემაზე კომენტარს არ გავაკეთებ. მოსკოვში პლოტნიცკის ჩამოსვლა ის თემა არ არის, რომელიც კრემლის კომპეტენციაში შედის,“-აღნიშნა დიმიტრი პესკოვმა.
მანამდე იგორ პლოტნიცკი შერემეტიევოს აეროპორტში დააფიქსირეს. სახელმწიფო გადატრიალების შემდეგ მან არაღიარებული რესპუბლიკა დატოვა.