თბილისში, სპეცოპერაციის დროს დაკავებული პირის ადვოკატი იმედა ქარქაშაძე ამბობს, რომ მისი დაცვის ქვეშ მყოფი რუსეთის მოქალაქეა, ბრალს არ აღიარებს და დუმილის უფლებას იყენებს. დაკავებულის პროცესი თბილისის საქალაქო სასამართლოში ამ დროისთვის იწყება.
პროკურატურის ინფორმაციით, სპეცოპერაციის დროს დაკავებულს 10-დან 17 წლამდე პატიმრობა ემუქრება. უწყების ცნობით, გამოძიება უცხო ქვეყნის ტერორისტულ ორგანიზაციაში გაერთიანებასა და ტერორისტულ საქმიანობაში მისი დახმარებისთვის, ასევე, ცეცხლსასროლი იარაღის, საბრძოლო მასალის, ფეთქებადი ნივთიერების და ასაფეთქებელი მოწყობილობის ტერორისტული მიზნით, მართლსაწინააღმდეგო შეძენა, შენახვა ტარების მუხლით მიმდინარეობს.
საქმეზე დამატებით ინფორმაციას მთავარი საგამოძიებო ორგანო დღეს გაავრცელებს.
