ვალერი გელაშვილის ცემის საქმეზე, თბილისის საქალაქო სასამართლოში საქმის არსებითი განხილვა გრძელდება.
ამ ეპიზოდში ბრალდებულია ექს-პრეზიდენტი მიხეილ სააკაშვილი, რომელსაც უფლებამოსილების გადამეტება ედება ბრალად. საქმეზე მსჯავრდებულია ყოფილი შინაგან საქმეთა მინისტრი ვანო მერაბიშვილი.
დღევანდელ პროცესზე ბრალდების მხარე წერილობით მტკიცებულებებს გამოიკვლევს.
გამოძიების ინფორმაციით, მიხეილ სააკაშვილის ორგანიზებით, დეპუტატი ვალერი გელაშვილი 2005 წელს სცემეს.
მიხეილ სააკაშვილის ბრალდების საქმეზე ყოფილი თავდაცვის მინისტრი ირაკლი ოქრუაშვილი კი 13 დეკემბერს დაიკითხება.
ირაკლი ოქრუაშვილმა ვანო მერაბიშვილისა და მიხეილ სააკაშვილის წინააღმდეგ სასამართლოში ჩვენება ერთხელ უკვე მისცა. ოქრუაშვილის თქმით, ყოფილმა პრეზიდენტმა გელაშვილის ცემა პირადად შეუკვეთა.