სერიალ "ჩემი ცოლის დაქალების" მსახიობ საბა უგრეხელიძეს თავს დაესხნენ.
"რუსთავი 2"-ის ინფორმაციით, სასტიკად ნაცემი, გულ-მკერდის არეში მიყენებული ჭრილობებით მსახიობი კლინიკაშია მოთავსებული.
წინასწარი ინფორმაციით, საბა უგრეხელიძეს ქალაქის ცენტრში 15 პირი გაუსწორდა. თავად დაზარებულისთვის უცნობია თავდამსხმელთა ვინაობა, თუმცა არ გამორიცხავს, რომ ანგარიშსწორება ორგანიზებლი იყო.
შსს-ს ცნობით, ყაზბეგის გამზირზე მომხდარ თავდასხმაზე გამოძიება უკვე დაწყებულია.
მათივე ინფორმაციით, მომხდარზე საქმე სისხლის სამართლის კოდექსის 120-ე მუხლით არის აღძრული, რაც ჯანმრთელობის განზრახ მსუბუქი დაზიანებას გულისხმობს.