„ინვესტორებთან ისევ მოლაპარაკებების ეტაპზე ვართ, თუმცა, უკვე ბოლოში გავდივართ. იმედი გვაქვს, რომ ამ თვის ბოლოს, ხელშეკრულებების ხელმოწერა დასრულდება. ამის შემდეგ საპროცესო შეთანხმებაზე დავიწყებთ მუშაობას, რომ მაია რჩეულიშვილი და რუსუდან კერვალიშვილი გამოუშვან“, - განუცხადა „ჯი-ეიჩ-ენს“ დების ადვოკატმა, მარინა ცუცქირიძიემ.
ადვოკატი რჩეულიშვილს გუშინ შეხვდა, მათ ხელშეკრულებებთან დაკავშირებულ პროცედურებზე კიდევ ერთხელ ისაუბრეს.
„მაიასთან გუშინ ვიყავი, ორშაბათსაც ვაპირებ შესვლას, ჩვენ ერთად ვმუშაობთ. რაც შეეხება მის ჯანმრთელობის მდგომარეობას, ის ისევ ისეა, მედიკამენტურ მკურნალობას გადის, ციხის საავადმყოფოშია. ძალიან ელოდება იმ დღეს, როცა თავისუფლებაში იქნება“, - აცხადებს ცუცქირიძე.
შეგახსენებთ, რომ დებს, რუდუდან კერვალიშვილს და მაია რჩეულიშვილს თბილისის საქალაქო სასამართლომ 4-4 წლით თავისუფლების აღკვეთა მიუსაჯა. გამოძიება მაია რჩეულიშვილსა და რუსუდან კერვალიშვილს ამხანაგობა თაბუკაშვილი 88-ის კუთვნილი 11 მილიონზე მეტი ლარის მითვისებას ედავებოდა.