ოკუპირებულ აფხაზეთში არგენტინული ხურმის, ე.წ. „წითელი ბრილიანტის“ მოსავლის აღებას იწყებენ. ამის შესახებ სააგენტო „სპუტნიკ აფხაზიას“ დეფაქტო რესპუბლიკის სოფლის მეურნეობის აკადემიის დირექტორმა ლესიკ აიბამ აცნობა. „ხურმის ახალი სახეობა, რომელიც წითელი ბრილიანტის სახელითაა ცნობილი, არგენტინიდან 3 წლის წინ მივიღეთ. წელს კი პირველ მოსავალს ვიღებთ. აქედანვე ცხადია, რომ ხარისხით ის ყველა აქამდე ცნობილ სახეობას აღემატება. წელს უფრო დიდ მოსავალს ველოდით, თუმცა ნაყოფის დიდი ნაწილი აზიურმა ფაროსანამ გაანადგურა,“-აცხადებს აიბა.
