"განახლებულმა "ნაციონალურმა მოძრაობამ" ყველა არენაზე უნდა იბრძოლოს, ეს იქნება საპარლამენტო, ადგილობრივი თვითმმართველობის თუ მშვიდობიანი მანიფესტაციის ფარგლებში", - ამის შესახებ ენმ-ს ლიდერმა ნიკა მელიამ პარტიის პოლიტსაბჭოს სხდომის დაწყებამდე განაცხადა.
მისივე განცხადებით, იქნება იქ, სადაც მეტ დისკომფორტს შეუქმნის ბიძინა ივანიშვილის არაფორმალურ მმართველობას.
”მოგეხსენებათ, პარტიის პოლიტიკური საბჭო გახლავთ მთავარი მმართველი ორგანო და ამ მმართველი ორგანოს ფარგლებში, ჩვენ ძალიან ბევრ საკითხზე უნდა ვიმსჯელოთ. უნდა შეფასდეს, თუ რა მოხდა ადგილობრივ არჩევნებზე, სად რა სახის მძიმე დარღვევები იყო ხელისუფლების მხრიდან სხვადასხვა რეგიონში. ბუნებრივია, გაცილებით უფრო დეტალურად მოგახსენებთ მას შემდეგ, რაც დასრულდება შეხვედრა, რომელიც შესაძლოა, რამდენიმე საათი გაგრძელდეს. მე ვიქნები იქ, სადაც ყველაზე მეტ დისკომფორტს შევუქმნი ბიძინა ივანიშვილის არაფორმალურ მმართველობას და ყველაზე მეტ სარგებელს მოვუტან საზოგადოებას", - განაცხადა მელიამ.