თამაზ მეჭიაური არჩევნების შედეგის გასაჩივრებას სასამართლოში აპირებს.
როგორც თავად აცხადებს, თიანეთში ერთი ხმით მოიგო და ამ შედეგს სასამართლოში დაიცავს, რადგან "ქართული ოცნების" კანდიდატს ხმები ბათილი ბიულეტენების გადათვლის შემდეგ, არასამართლიანად დაუმატეს.
ცესკოს პრესსპიკერის, ანა მიქელაძის განმარტებით, ცესკომ განიხილა ქართული ოცნების საჩივარი, რომელიც მეოცე საარჩევნო უბანზე ბათილი ბიულეტენების ხელახლა გადათვლას შეეხებოდა. რის შედეგადაც თამაზ მეჭიაურს ხმათა 49.97%, ხოლო ქართული ოცნების მერობის კანდიდატს ლელა ქიტესაშვილს 50.03% აქვს.
თიანეთის საარჩევნო ოლქში სულ 10777 ამომრჩეველია.
არჩევნებში მონაწილეობა 6198–მა ამომრჩეველმა (57.51%) მიიღო. აღსანიშნავია, რომ თიანეთში მერის არჩევნებში მხოლოდ ორი კანდიდატი მონაწილეობდა.