კენედის მკვლელობის საქმეზე საიდუმლო მასალები შესაძლოა გასაჯაროვდეს. აშშ-ის პრეზიდენტი „ტვიტერის“ საკუთარ გვერდზე წერს, რომ მზად არის ქვეყნის 35-ე პრეზიდენტის, მკვლელობის საქმეზე მასალები გაასაჯაროვოს.
„დამატებითი ინფორმაციის მიღების შემთხვევაში, მე, როგორც პრეზიდენტი მზად ვარ, ჯონ ფიტცჯერალდ კენედის მკვლელობის საქმეზე საიდუმლო მასალების გასაჯაროების ნებართვა გავცე“, - წერს დონალდ ტრამპი.
აშშ-ს 35-ე პრეზიდენტი 1963 წლის 22 ნოემბერს ქალაქ დალასში მოკლეს. საქმეზე საიდუმლო მასალები, რომლებშიც ძირითადად გამოძიების ფედერალური ბიუროს და ცენტრალური სადაზვერვო სააგენტოს დოკუმენტაცია შედის, 1992 წელს ცალკე არქივში შეიტანეს და 25 წლის მანძილზე გასაიდუმლოებული უნდა ყოფილიყო.