"ევროპული საქართველოს" ერთ-ერთი ლიდერი, გიგი წერეთელი ეუთო-ს საპარლამენტო ასამბლეის პრეზიდენტი, - ამის შესახებ ამავე პარტიის წევრი ოთარ კახიძე Facebook-ის პირად გვერდზე წერს.
მისი ინფორმაციით, ეს არის ძალიან მნიშვნელოვანი საქართველოს უსაფრთხოებისთვის, იმიჯისთვის და საერთაშორისო არენაზე ჩვენი ქვეყნის წინაშე არსებული გამოწვევების აქტუალიზებისთვის.
"ეს არის ძალიან მნიშვნელოვანი საქართველოს უსაფრთხოებისთვის, იმიჯისთვის და საერთაშორისო არენაზე ჩვენი ქვეყნის წინაშე არსებული გამოწვევების აქტუალიზებისთვის, ასე რომ - გილოცავთ ყველას!
გიგის ვუსურვებ წარმატებებს, დარწმუნებული ვარ, შესანიშნავად გაართმევს თავს ახალ პასუხისმგებლობას.
P.S. შეგახსენებთ, რომ შარშან ქართულმა ოცნებამ რუსეთის დელეგაციასთან ერთად გააკეთა ყველაფერი, რომ გიგის არ დაეკავებინა ეს პოზიცია, მაგრამ სამართალმა პური ჭამა", - წერს კახიძე.