ჩვენი მონაცემებით, ჩვენ შევძლებთ პირველ ტურში გამარჯვებას, - ამის შესახებ კახა კალაძის საარჩევნო შტაბის ხელმძღვანელმა არჩილ თალაკვაძემ განაცხადა.
„წინასაარჩევნო კამპანიამ მშვიდ, თანაბარ და სამართლიან გარემოში ჩაიარა. შევხვდით ბევრ ადამიანს, დიდ მხარდაჭერას ვგრძნობდით ამ პერიოდში მოსახლეობის მხრიდან. ჩვენი მონაცემებით, ჩვენ შევძლებთ პირველ ტურში გამარჯვებას. ამისათვის აუცილებელია, რომ თითოეული ჩვენი მხარდამჭერი მოვიდეს 21 ოქტომბერს არჩევნებზე და დააფიქსიროს თავისი არჩევანი, მხარი დაუჭიროს „ქართულ ოცნებას“ და კახა კალაძეს“, - აცხადებს თალაკვაძე.
ხვალ, საქართველოში ადგილობრივი თვითმმართველობის არჩევნები გაიმართება.