„ქართული ოცნების“ დეპუტატის, თამაზ ნავერიანის განაცხადებით, არავითარი შიდა დაპირისპირება არ არსებობს.
როგორც ნავერიანმა ყიზილაჯლოს ინციდენტის დროს დაჭრილების მონახულების შემდეგ აღნიშნა, გამოძიება მიმდინარეობს და ყველაფერი გარკვეული იქნება გამოძიების დასრულების შემდეგ.
შეგახსენებთ, 19 ოქტომბერს, გვიან ღამით, მარნეულის რაიონის სოფელ ყიზილაჯლოში, პარტია „ქართული ოცნების“ საარჩევნო შტაბის მიმდებარე ტერიტორიაზე, დაუდგენელმა პირმა ავტომატური ცეცხლსასროლი იარაღიდან გასროლით ოთხი პირი დაჭრა.
დაჭრილები სასწრაფო სამედიცინო დახმარების ბრიგადამ საავადმყოფოში გადაიყვანა. მათ სიცოცხლეს საფრთხე არ ემუქრება.
მომხდარ ფაქტთან დაკავშირებით შინაგან საქმეთა სამინისტროში გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.