ვლადიმერ პუტინი არ გამორიცხავს, რუსეთის შემდეგი პრეზიდენტი ქალი გახდეს. ამის შესახებ კრემლის ლიდერმა ვალდაის ფორუმზე განაცხადა.
მანამდე ცნობილი გახდა, რომ ტელეწამყვანი ქსენია სობჩაკი 2018 წლის საპრეზიდენტო არჩევნებში მიიღებს მონაწილეობას. ის ამ დროისთვის ერთადერთი ქალი კანდიდატია.
პუტინის პრეს-მდივანმა დიმიტრი პესკოვმა გუშინ განაცხადა, რომ ტელეწამყვან ქსენია სობჩაკის გადაწყვეტილებასთან, საპრეზიდენტო არჩევნებში საკუთარი კანდიდატურა დააყენოს, კრემლს არანაირი კავშირი არ აქვს. თუმცა,პოლიტიკურ წრეებში არ გამორიცხავენ, რომ ტელეწამყვანი კრემლის სატელიტი კანდიდატია და მის საარჩევნო კამპანიაზე ხელისუფლება იმუშავებს.
