თარიღი    დრო

მსოფლიო ბანკი მუშაობს საქართველოსთან თანამშრომლობის ხუთწლიანი ჩარჩო დოკუმენტის შექმნაზე - პრემიერი

საქართველო, თბილისი - 11:36 10.19.2017 217

 „ჩვენმა დელეგაციამ, რომელსაც ვიცე-პრემიერი, ფინანსთა მინისტრი დიმიტრი ქუმსიშვილი ხელმძღვანელობდა 11-15 ოქტომბერს ჩაატარა წარმატებული ვიზიტი ამერიკის შეერთებულ შტატებში, საერთაშორისო სავალუტო ფონდისა და მსოფლიო ბანკის წლიურ შეხვედრებში მონაწილეობის კუთხით", - ამის შესახებ საქართველოს პრემიერმინისტრმა გიორგი კვირიკაშვილმა მთავრობის სხდომაზე განაცხადა. 

მისივე განცხადებით, მსოფლიო ბანკის ვიცე-პრეზიდენტის, ევროპისა და ცენტარულ აზიის რეგიონში სილერ მიულერის შეფასებით, საქართველოს ეკონომიკის განვითარების დადებითი ტემპი იძლევა დიდი ოპტიმიზმის საფუძველს და მსოფლიო ბანკი მუშაობს საქართველოსთან თანამშრომლობის ხუთწლიანი ჩარჩო დოკუმენტის შექმნაზე.

„ჩვენმა დელეგაციამ, რომელსაც ვიცე-პრემიერი, ფინანსთა მინისტრი დიმიტრი ქუმსიშვილი ხელმძღვანელობდა 11-15 ოქტომბერს ჩაატარა წარმატებული ვიზიტი ამერიკის შეერთებულ შტატებში, საერთაშორისო სავალუტო ფონდისა და მსოფლიო ბანკის წლიურ შეხვედრებში მონაწილეობის კუთხით, მაგრამ ეს ვიზიტი არ შემოფარგლა მხოლოდ ამ შეხვედრებით. იყო შეხვედრები, როგორც საერთაშორისო საფინანსო ინსტიტუტებთან , ასევე სარეიტინგო კომპანიის წარმომადგენლებთან. შეხვედრები კონგრესის წარმომადგენლებთანაც გამართა. მთლიანი ლაიტმოტივი ამ შეხვედრების იყო საქართველოს წარმატება და ის, რომ საქართველო არის ნამდვილად რეფორმების კუთხით ლიდერი რეგიონში, ჩვენი ქვეყნის ეკონომიკური განვითარება მიმდინარეობს სწორი მიმართულებით, სახელმწიფომ განახორციელა ძალიან მნიშვნელოვანი რეფორმები ამ მიმართულებით და ის, რომ 2017 წლის დასაწყისში დაწყებული უმნიშვნელოვანესი ფისკალური და საგადასახადო რეფორმა წარმატებით განხორციელდა, რის შედეგადაც ჩვენ გვაქვს ძალიან კარგი დინამიკა ქვეყანაში.

ძალიან მნიშვნელოვანია აღინიშნოს, რომ ამ დოკუმენტის მთავარი მიმართულებები იქნება რეგიონულ განვითარებასთან ერთად განათლება და ინოვაცია, რაც არის ძალიან მნიშვნელოვანი ქვეყნისთვის. ასევე მნიშვნელოვანია საერთაშორისო საფინანსო ორგანიზაციებმა, მათ შორის ევროპის რეკონსტრუქციისა და განვითარების ბანკმა, გამოთქვა მზადყოფნა, მხარდაჭერა აღმოუჩინონ საქართველოს კაპიტალის ბაზრის განვითარების კუთხით. არის ძალიან კარგი გეგმები სისტემური განვითარების მიმართულებით, რაც ძალიან მნიშვნელოვანი იქნება რადგან 2018 წლის მესამე კვარტლიდან საქართველოში მუშაობას დაიწყებს საპენსიო სისტემის ახალი დამატებითი მოდელი, რომელიც დაგროვებით საპენსიო სისტემის შექმნას გულისხმობს და ამის პარალელურად კაპიტალის ბაზრის ახალი პროექტის ამუშავება იქნება მნიშვნელოვანი. ასევე, კომპანიებმა ,,ჯეიპი მორგანმა და „დოიჩე ბანკმა“ ინტერესი გამოხატეს, რომ საფონდო ინსტიტუტების განვითარების და საზღვარგარეთ ლარში დენომინირებული ფასიანი ქაღალდების გამოშვების კუთხით საქართველოსთან ითანამშრომლონ“,- განაცხადა კვირიკაშვილმა.

 




konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 83.7%
შემცირდა 13.3%
არ შეცვლილა 3%