ქსენია სობჩაკს პრეზიდენტობა სურს. ცნობილმა რუსმა ტელეწამყვანმა ოფიციალურად განაცხადა, რომ 2018 წლის რუსეთის საპრეზიდენტო არჩევნებზე საკუთარი კანდიდატურის წამოყენებას აპირებს. სობჩაკის განმარტებით, ის ხუთი წელია ოპოზიციის მიტინგებში მონაწილეობს და ქვეყანაში ცვლილებებს მოითხოვს. სობჩაკის თქმით, რუსეთს ცვლილებები სჭირდება. „ქურდები და კორუმპირებულები კვლავ ცრუობენ, ძალაუფლების მქონენი კი კვლავ იპარავენ“- ნათქვამია ჟურნალისტის მიმართვაში, რომელიც ინტერნეტში დღეს დილით გავრცელდა.