თურქეთის პრემიერ-მინისტრი ოფიციალური ვიზიტით ბაღდადს ეწვევა. ბინალი ილდირიმის თქმით, მან ერაყის ხელისუფლებისგან მიწვევა მიიღო. ვიზიტის თარიღი ჯერჯერობით არ სახელდება. მხარეები ერაყის ქურთისტანში ჩატარებულ რეფერენდუმზე იმსჯელებენ. 25 სექტემბრის პლებისციტის შედეგებს, რომლის მიხედვითაც ქურთისტანის რეგიონის მცხოვრებლებმა ხმა დამოუკიდებლობას მისცეს, არც ბაღდადი და არც ანკარა არ აღიარებენ.
