რუსეთის სახელმწიფო დუმის დეპუტატი ვიქტორ ვოდოლაცკი ირწმუნება, რომ დაჯგუფება "ისლამური სახელმწიფოს" მებრძოლებმა დატყვევებული რუსეთის 2 მოქალაქე მოკლეს. პოლიტიკოსის განცხადებით, ტყვეებმა დაჯგუფებაში გაწევრიანებაზე უარი თქვეს, რის გამოც ისლამისტებმა ისინი დახვრიტეს. რუსეთის მოქალაქეების ტყვეობის ამსახველი ვიდეომასალა „ისლამური სახელმწიფოს“ დაჯგუფებამ 4 ოქტომბერს გაავრცელა. ისლამისტთა მტკიცებით, მათ სამხედროები ტყვედ სირიაში აიყვანეს. რუსეთის თავადაცვის სამინისტრომ განაცხადა, რომ ტყვეები რუსეთის შეიარაღებულ ძალებში არ მსახურობენ.
