Georgian Airways-ის დაანონსებულ მიმართულებებზე უნგრული ავიაკომპანია Wizz Air-იც იფრენს.
Georgian Airways-ის დამფუძნებლის თამაზ გაიაშვილის განმარტებით, მიუხედავად Wizz Air-ის მიერ დამატებული ახალი რეისებისა, ავიაკომპანია Georgian Airways-ი გეგმების გადახედვას არ აპირებს და 2018 წლიდან ბარსელონასა და პარიზის მიმართულებით იფრენს.
როგორც ცნობილია Georgian Airways-ი თბილისი – ბარსელონა – თბილისის მიმართულებით ფრენა სავარაუდოდ 2018 წლის მარტის მეორე ნახევრიდან, ხოლო თბილისი – პარიზი – თბილისის მიმართულებით 2018 წლის ივნისიდან დაიწყებს. ორივე მიმართულებაზე ავიაკომპანია კვირაში 2 სიხშირით იფრენს.
რაც შეეხება Wizz Air-ს, ის ბარსელონასა და პარიზის გარდა კიდევ ორი ახალი მიმართულებით (რომი, პრაღა) იფრენს.
Georgian Airways-ი კი პრაღის მიმართულებით რეისებს 2017 წლის გაზაფხულიდან უკვე ასრულებს, ხოლო რაც შეეხება ბარსელონასა და პარიზს ავიაკომპანიამ განაცხადი ჯერ კიდევ რამდენიმე კვირის წინ გააჟღერა.
