Wizz Air-ი ქუთაისის საერთაშორისო აეროპორტიდან ახალ მიმართულებებს ამატებს. ავიაკომპანიის ვებგვერდზე უკვე ხელმისაწვდომია ავიაბილეთები ბარსელონას, პრაღის,რომის, პარიზის მიმართულებით.
როგორც ირკვევა აღნიშნულ მიმართულებებზე ფრენები 2018 წლის მაისიდან დაიწყება.
ბილეთის ფასები ბარსელონას მიმართულებით 78 ლარიდან იწყება, პარიზის ბილეთის ფასი ამჟამად - 110 ლარია, პრაღაში გაფრენა ასევე 110 ლარიდანაა შესაძლებელი. ასევე 110 ლარიდან იწყება რომის მიმართულებით ავიაბილეთის ფასიც.
Wizz Air Hungary Ltd უნგრული დაბალ ბიუჯეტიანი ავიაკომპანიაა, სათაო ოფისი მდებარეობს ბუდაპეშტში Liszt Ferenc-ის საერთაშორისო აეროპორტში. ავიაკომპანია დაბალი ფასის მისაღწევად ძირითადად იყენებს სხვადასხვა ქალაქების პატარა აეროპოპორტებს, იგი დაფრინავს ევროპაში ისრაელში არაბეთის გაერთიანებულ საემიროებში და სხვა. ავიაკომპანიას გააჩნია ყველაზე დიდი ფლოტი უნგრულ ბაზარზე, თუმცა ის არ არის ნაციონალური ავიახაზები, ამჟამად ოპერირებს მსოფლიოს 35 ქვეყანაში. ავიაკომპანია შესულია ლონდონის საფონდო ბირჟაზე FTSE 250 Index.
